ЕКАТЕРИНБУРГ, 3 апрель. /«Дунё» АА/. Ўзбекистон Бош консуллиги ташаббуси билан Тюмень шаҳрида таҳсил олаётган ватандош талабалар иштирокида Конституциявий қонун лойиҳаси бўйича бўлажак референдумга бағишланган #bumeningkonstitutsiyam шиори остида тарғибот акцияси ташкил этилди, деб хабар бермоқда «Дунё» АА мухбири.
Тюмень индустриал университетида таҳсил олаётган талаба ёшларимиз иштирокида тайёрланган #bumeningkonstitutsiyam «хештеги» остидаги видеолавҳада бош қомусимизга киритилаётган ўзгартиш ва қўшимчалар ҳамда бўлажак референдумнинг мазмун-моҳияти ҳақида маълумот берилди. Тарғибот акцияси иштирокчилари барча ватандошларни жорий йилнинг 30 апрель куни бўлиб ўтадиган референдумда фаол иштирок этишга чорлашди.
Ушбу ведеоролик Бош консуллик ва Урал минтақасидаги фаол ватандошларнинг ижтимоий тармоқлардаги саҳифаларида жойлаштирилди.